大滿喜日本料理 (已結業)

今日去觀塘見兒客就收工，做到成日冇停過，超肚餓，諗緊咁早邊到有放題食呢，原來樓上已經有，咁就試下喇...餐廳樓底高，幾乎每張台都有梳化位。坐底即點個刺身拼盤，刺身船上台時噴煙，刺身厚切，肥美又新鮮。之後再來燒羊架：肉質非常嫩，有點羊羶味，但口感超軟熟，正。鹽燒三文魚胶：魚肉肥美又啖啖肉。炒什菌：好香牛油味，一定要試串燒海蝦：大大隻，蝦肉爽甜又彈牙。芝麻雞翼：炸完仲皮脆肉嫩多汁，追加再食。紫薯香芋波波：每次放題見到都必食，外脆內軟。最鐘意個雪糕櫃，有我最愛既韓國蜜瓜雪條，第一次見到放題有呢隻雪條，我食左三條，超開心,大滿足的一餐。