泰燒遙 (已結業)

星期日出左尖沙咀行，行到咁上下又要煩惱食乜好，因為聽日又要返工，都想近近地係尖沙咀食個飯之後就返屋企抖下啦，廢事周圍走去第二度食野。 雖然成日黎尖沙咀，不過一諗起食野依然唔知食咩好。但今次記得個Friend Facebook Post左個好大盤既海鮮，即刻上返佢Facebook搵，原來個大盤好海鮮就係泰燒遙既燒遙海中寶～ 上到去咩都唔洗講，我地衝住呢個海中寶而黎，梗係點返一個啦。呢個海中寶有分冷盤同熱盤，而熱盤就係冬蔭功湯底的。而我地所揀既就係冷盤個款，呢個海中寶3-4人食，其實都驚自己眼闊肚窄，所以一黎到淨係點左呢個先，睇睇情況到時加單啦必要時。 真係好好彩(我指我地冇嗌其他野)，因為其實真係好大盤。入面咩都有，隔離枱一見到我地呢個海中寶，雙眼都閃閃發光咁呀哈哈！海中寶入面有大蝦、蟶子、青口、扇貝、仲有蛋添，好豐富呀！影完相，我地3個就唔客氣，開動了～ 原來海鮮下面仲有D金邊粉，所以唔怕食唔飽呢！我見到周圍幾乎張張枱都有海鮮，原來而家做緊個$99既海鮮Promotion～不過我地實在太飽，食完個海中寶已經食唔落，所以都係嗌左少少串燒就埋單走人lu~ 丫～仲有個擲骰仔game, 擲中指