小窩雞海南雞專門店 (已結業)

之前都嚟過呢間小窩雞海南雞專門店食飯，覺得啲雞好滑好好食，又冇骨，所以再嚟試下其他嘢！今次我同事就依然食返海南雞飯，我就揀咗去骨海南雞喇沙。招牌去骨海南雞飯：啲飯係油飯兼加左炸蒜，好香。無骨雞好岩香港嘅懶人，啖啖肉，雞肉煮得剛剛好，係又滑又嫩嘅質感。加左一片蕃茄同青瓜做伴碟，略嫌纖維不足。三款醬汁沒有什麼特別，味道很一般。去骨海南雞喇沙：估唔到海南雞會畀飯多，更加啖啖肉。湯底椰漿味濃。魚蛋及魚腐唔好食。呢個喇沙係用咗米線做麵底，估佢唔到。而且做法帶有越式，放了生葱等配料上面。食每一個餐都會送一碗湯，係好住家感覺嘅中湯，無味精，我呢個就似係青紅蘿蔔豬肉湯。