小曼谷泰國美食站

营业中

休息中

心血來潮想食咖喱，就帶咗bb同我一齊去。💕一個大人一個小朋友，一個咖喱加個包再炒碟菜都已經夠晒。好彩BB都食到少少辣，而呢個泰皇咖喱炒大蜆辣度又夠低，小朋友大人都啱食。咖喱炒大蜆，醉翁之意不在蜆，重點係佢個咖喱，有呢個幾乎係點咩都咁好食嘅咖喱，就已經令人非常滿足。.咖喱裏面加咗蛋，質感好濃稠，加埋少少三色椒，口感脆卜卜的，而大蜆亦新鮮，由第一粒，直到最後一粒都冇沙，大大隻，啖啖肉，好鮮味，點埋泰式蒜蓉包，就更加係令人沉醉於當中，不能自拔。🥢泰式炒雜菜翠綠爽口，比較清淡，配咖喱，感覺平衡得好好，但係由於咖喱太好食嘅關係，最後都用咗佢哋點咖喱，無咗清淡嘅效果😂。.食飯嘅過程，一路聽住泰文歌，幾有風味，食完之後，門口有火車頭打卡位，影相好正，留下美好嘅用餐體驗，小朋友同我都鍾意。