濟州燒肉食堂

我對「响北角開的」韓燒餐應始終抱觀望態度  🤔（尤其成日去日本韓國食烤肉），一入到去，煙霧瀰漫，如入仙境  🫥，我已經認唔住同個經理講，呢度空氣好流通喎（你知呢排一見到大煙會驚驚地 😓），佢都有D尷尬…但要俾like的係佢特登留張望到海景的枱俾我地。👍🏻


因為唔肚餓所以叫左一份牛舌，一份梨汁雞肉，一份醬油蝦柴菜飯。牛舌…我覺得唔好食，你唔好以為係太平館餐廳嗰個牛脷燴意粉的牛脷咁軟熟，三塊著左兩塊都好難咬…it’s a big no no 😖！

唔好食 🥹

$188

嗱，先彈後讚，個梨汁雞肉同醬油蝦係幾好食，三樣入面有兩樣都唔錯都算係咁啦…點知食食吓，頭頂的紅色警鐘同太平門的逃生燈係咁閃，跟住成間餐廳要被迫熄哂D爐唔准燒住…CRYYYYYYY 咁點呀？做咩好？玩電話定猜返兩板？個充滿鄉音（係咪外勞？）的女侍應話係咁架喇，我心諗…唔係呀嘛？你呢段時間係咪可以幫人refill下D小菜呀，送D野飲俾全個食食下食唔到的餐廳的客人呀？佢哋個態度好似係，成日響警鐘架喇，唔駛大驚小怪喎…咁囉~ 🥴

呢個還可~

$132

我估半個鐘之後等個警鐘熄咗之後終於可以繼續食喇，去到呢度，你仲有咩興緻？