My Ahjussi (已結業)

出嚟旺角睇裝修用品，行到大角咀附近，搵個地方食下午茶，見到呢間花花少女的餐廳，我老婆即刻俾佢吸引好想入去試吓。我哋坐喺門口附近，感覺側邊有個小花園，對面亦有好靚嘅花形裝飾，天花佈置同燈飾亦都係花系特色，成個人都後生咗，浪漫能滿瀉。韓式芝士粟米，估唔到$32有咁大碟，芝士味濃，粟米超甜。牛油果炸豆腐沙律又係另一驚喜，$62 抵食又大碟，炸豆腐的質感柔軟，亦唔會感覺太熱氣，好耐都冇食過咁高水平嘅炸豆腐。黃金鹹蛋炸雞， 我特別鍾意鹹蛋黃嘅菜式，原來鹹蛋味道同炸雞亦係好夾，6隻炸雞內有齊雞翼、雞鎚及雞胸位置，幾個位置雞肉都好嫩滑，雖然係鹹蛋黃但係都唔會太鹹。加埋杯咖啡，整個人感覺又浪漫又 chill。