影片
更多
2012-10-04
172 浏览
一直以來，我都覺得想据靚扒是應該去「扒X之王」先食到優質而上乘的靚扒。直至尋晚經過這間餐廳門口見到餐牌寫住『自選兩款扒類並附送餐包餐湯，奶茶咖啡免費，凍飲則加$5都是只需$54』心諗好似好抵好經濟喎，同友人商量過後，於是決定入去刷個經濟扒餐。可能北帝街一帶太多食肆選擇，所以呢間餐廳的人流都比較少一點，一入門口唔需要等就已經有卡位坐。一坐低就望下個餐牌先，睇完餐牌就要Order野食喇~我要一個『自選兩款扒類並附送餐包餐湯，奶茶咖啡免費，凍飲則加$5都是只需$54』扒類要雞扒同埋豬頸肉，汁呢就要芝士汁（好少餐廳有芝士汁架喎，咁就梗係要試試啦），餐湯方面，問左阿姐話是日例湯係羅宋湯同埋南瓜湯，咁我就要南瓜湯啦唔該。由於因為我太肚餓的關係，所以部份食物一上枱就食左先講，食完後先發覺沒有拍照留念，在此要道歉了喇。上菜個時見到係鐵板上，阿姐幫你淋上香濆濆的芝士汁，雞扒同豬頸肉即刻索哂D芝士汁，正呀！食食下時，阿姐端上一碟肥嘟嘟連薯皮的薯條，好感動呢！平時去餐廳据扒叫配薯菜，D薯條通常係鐵板上俾D汁浸到淋哂唔好食，又唔脆又無咬口，一間普通又唔算好出名的茶餐廳居然做到扒還扒上，薯條還薯條上，真係唔係間
直至尋晚經過這間餐廳門口見到餐牌寫住『自選兩款扒類並附送餐包餐湯，奶茶咖啡免費，凍飲則加$5都是只需$54』
心諗好似好抵好經濟喎，同友人商量過後，於是決定入去刷個經濟扒餐。
可能北帝街一帶太多食肆選擇，所以呢間餐廳的人流都比較少一點，一入門口唔需要等就已經有卡位坐。
一坐低就望下個餐牌先，睇完餐牌就要Order野食喇~
我要一個『自選兩款扒類並附送餐包餐湯，奶茶咖啡免費，凍飲則加$5都是只需$54』
扒類要雞扒同埋豬頸肉，汁呢就要芝士汁（好少餐廳有芝士汁架喎，咁就梗係要試試啦），
餐湯方面，問左阿姐話是日例湯係羅宋湯同埋南瓜湯，咁我就要南瓜湯啦唔該。
由於因為我太肚餓的關係，所以部份食物一上枱就食左先講，食完後先發覺沒有拍照留念，在此要道歉了喇。上菜個時見到係鐵板上，阿姐幫你淋上香濆濆的芝士汁，雞扒同豬頸肉即刻索哂D芝士汁，正呀！
食食下時，阿姐端上一碟肥嘟嘟連薯皮的薯條，好感動呢！
平時去餐廳据扒叫配薯菜，D薯條通常係鐵板上俾D汁浸到淋哂唔好食，又唔脆又無咬口，
一間普通又唔算好出名的茶餐廳居然做到扒還扒上，薯條還薯條上，真係唔係間間餐廳做到的呀。
我叫的豬頸肉並不是一塊塊的，起初我都以為係一塊塊咁上，點知上枱時見到，嘩！豬頸肉扒喎！食完兩塊扒已經飽飽喇，肥嘟嘟既薯條食唔哂本來打算打包的，
都未出到聲，個侍應阿姐就話食唔哂會好浪費的，不如我俾個膠袋你裝住D薯條打包番去食。
侍應阿姐又幾細心喎！
阿姐又突然出聲話D薯條好易變淋的，仲教我番屋企慶一慶個鑊，番去將D薯條放落個鑊唔使加油就咁炒一炒，薯條即刻變番又脆又香的。侍應阿姐仲教埋我點食薯條，果然好野！值得一讚！$54又唔加一，自選兩款扒加一種汁料，配薯菜跟飯跟意粉都得，仲要薯條係肥嘟嘟另上，有餐湯餐包連熱飲仲想點呀？
张贴
