2/3 Dolci (已結業)

身為荃灣人，除咗雨傘運動期間，過海機會真係少之有少，仲要係利園呢個貴族商場，對上一次去可能係十N年前去睇阿Zing相展。工作關係第一次經過見到已被吸引，因為佢嘅意大利雪糕顏色好天然，啡啡綠綠咁，唔會有啲騎呢色。第二次迫老銅友陪我試，佢都唔知有呢間，但一見個名就話佢去威尼斯影展時都係食呢間，好得。$48一球，我哋坐底堂食就貴少少，運加一大約$60。朋友點伯爵茶我點開心果，味道不算超驚艷但物有所值，起碼唔會食完一陣失望。一流服務坐得舒舒服服，好過對面馬路排隊企街差不多價錢食個抹茶軟雪糕多多聲。