陸陸雞煲火鍋 (已結業)

冬天寒風又來到，雞煲同打邊爐都是冬天熱棒的食物，同朋友來到旺角的陸陸雞煲，同樣先食雞煲後打邊爐，$298/位加一就可享受用到陸陸雞煲海鮮火鍋套餐。未食野前，先調味，調味料包括生蒜、炸蒜、辣椒粒、香蔥、沙茶醬。雞煲送上來時，店員開蓋，雞煲有大量調味料，莞茜、洋蔥、辣椒、青椒片，所以炒起黎特別香，雞件份量多，啖啖肉，肉質好滑，而且醬汁香甜。差唔多食完就可以通知店員轉做打邊爐，先送上龍蝦湯底，好驚訝的是真的有原隻的波士頓龍蝦，湯滾時，可先飲龍蝦湯，湯底好濃郁，而龍蝦肉就有少少咸，但是就啖啖肉。海鮮拼盤有多款海鮮，包括是會跳舞非常新鮮的鮑魚、大大粒的帶子、廣島蠔、花甲、生蝦、海蝦、魚片等等，每樣都是回本的食材。肉類方面，有頂級牛肩片、豬肉片，它們都雪花均勻，不會有肥肉，味道鮮滑、鬆軟，而且牛肩片好有牛味。餃子方面，有魚皮餃、雲吞、水餃、白菜豬肉餃和泡菜餃，共5款，每款2隻，皮薄餡靚，真材實料，泡菜餃帶點辣，非常惹味。手打黑丸、手打豬肉丸、手打蝦丸，新鮮打起，粒粒都打到起哂膠、色澤好靚，所以食起上黎特別彈牙。自家製響鈴和炸魚皮，每個都脆卜卜，不會油膩。很美味。鮮菜藍、雜菌菇拼盤，有各種不同的菜類