The BASE nature (已結業)

今日去咗荃灣搵到呢間西餐廳，環境好好，見到都坐左7 8成滿。坐低之後，餐廳俾左餐牌我哋睇。而家佢哋做緊啲套餐有肉眼扒同西冷配搭其他嘢食。啲套餐都好吸引，不過我哋食唔到咁多，所以今日就散叫左一個蟹腳牛油果藜麥沙律同埋日子帶子墨汁意大利飯。個意大利飯轉左set就有個湯同埋嘢飲，我要左西柚檸檬冰茶。個沙律上枱之後，睇落都好大份，啲菜同牛油果同沙律醬撈得好均勻，亦都有唔少蟹腳，食落好香口好fresh嘅感覺。咁個湯亦都好有誠意，飲落好香蘑菇味。之後就上個主菜，意大利飯上面有三粒大帶子，食落都好多海鮮配料係入邊，亦都同我個墨汁好來好match。而個冰茶都好飲嘅，唔會太甜，啱啱好。最後我地叫左個甜品，係野莓芝士蛋糕，上枱好靚個擺碟，好七彩繽紛。而蛋糕個餅唔會雪個太硬，咬落仲好脆，個芝士蛋糕都唔會太甜，好好食。咁樣食左三百零蚊，我覺得物有所值，有機會可以嚟過！