喜來稀肉 (登龍街)

营业中

休息中

作為一個食肉獸，當然最鍾意就係食肉，食過呢間燒肉高質，我又再返嚟食多次。💛爐邊蛋店員會一早倒好芝士同埋泡菜爐邊蛋。無論係未熟嘅時候攞嚟點肉，蒸熟左嘅時候就咁食，都非常之香！💛泡菜酸瓜生菜所有嘅泡菜同生菜都係自己任攞，想食幾多就攞幾多。泡菜非常新鮮，好爽口，非常開胃！生菜係脆卜卜嘅，包住啲肉食就唔驚肥膩！💛一頭豬護心肉：有口勁又爽，而豬肉味濃五花肉：最入口即化豬頸肉：肉質爽彈韓式烤豬大腸：q糯香口韓式烤豬皮：香噴噴脆卜卜最好食！💛牛護心肉新鮮爽口而肉香，好牛者一定會愛上！💛Orion Draft Beer淡淡花香味嘅生啤為熱氣嘅燒肉下下火。最後每人送一條雪條，為呢一餐韓式晚餐在一個嘅圓滿嘅完結。