鼎王麻辣鍋 (金巴利道) (已結業)

最近身邊有同事大力推介食鼎王火鍋。我都唔執輸2個人去左試下。叫左個鴛鴦湯底: 酸菜白肉麻辣鍋，甘就可以2種味都試晒。麻辣好夠香，而且有麻辣既麻度，唔會只係死辣。白湯個邊雖然落左酸菜但唔會太酸，味度中和，又有肉既味道，簡直係唔食得辣人士既福音!配菜方面，我地點左 梅花豬肉同特級牛肉，望落去啲肉夠晒紅卜卜，食落口唔會有雪味，肉質夠新鮮，有嚼頭。另外，仲點左珊瑚蚌同帶子刺身，同樣都無令人失望，一樣咁新鮮爽口魚皮餃同魚皮都係我火鍋必食。魚皮餃唔會散，魚皮都好脆卜卜，一啲都冇油益味!另外我地仲點左樣熟食試: 鹵水豬大腸，一樣好食，唔會太韌口，鹵水味夠濃!中意食火鍋既我都真心推介鼎王， 令人食過返尋味 順帶一提，麻辣火鍋既鴨血堅好食， 夠滑口，正，一定要叫黎試下!