ENSŌ

营业中

休息中

這間新開嘅日式串燒，試過之後好快又心思思想再去，佢嘅食物好之餘，裝修得又好骨子，第一次去坐喺舖頭最入面嘅卡位，由卡位向門口方向望出去，好似一幅畫咁，牆壁上嘅裝飾亦都好有格調。招呼好貼心，每上一道菜都有專人介紹點樣食，必食嘅有：牛舌、和牛串、免治雞肉捧、赤鷄翼、鷄軟骨、烤羊架都好出色。有幾款特別調教冇酒精嘅飲品都值得一試。佢好近地鐵站好方便，放學由灣仔坐地鐵過去15分鐘就到，同朋友飲下食下傾吓好容易就消磨一個晚上。