樂天大喜屋 (已結業)

點解食過翻尋味？因為我真係忘記唔到呢到既壽司同甜品之前黎食過已經對呢個放題好高評價 今次再返黎食 依然保持到一貫既水準識食既一定係食左刺身同壽司先 咋咋臨叫左個刺身盤同唔同款式既刺身 d刺身一直都係咁新鮮 唔會有d腥有d臭咁壽司真係無得輸 每次黎親都有唔同款式 轉換新口味 今次極力推介鰻魚壽司，黑椒和牛黑松露壽司同帶子沙律脆蝦卷其他壽司都好特別同好食 但呢3款我覺得好突出 好啦！試曬所有壽司 我就叫d熱野食 琵琶蝦加沙律醬 食到我舔舔脷 酸酸甜甜 又有蝦鮮味 啖啖肉 到d燒物同炸物 我真係好中意呢間既羊鞍 我食過好多間羊鞍 大多都會有陣氊味 我對陣味都ok既 不過有d放題會落多胡椒粒務求遮過陣味 咁仲會令舊羊鞍又辣又氊 呢間既羊鞍胡椒粒唔多 但無個陣味 本身我d朋友都幾抗拒食羊 但試完之外竟然接受到榴蓮炸彈 芝士年糕 紫薯丸 吉列炸蠔 全部都熱乎乎 新鮮攞出黎呢間都算落重本 又有花膠又有燕窩 我食左個燉花膠 入面有d冬菇 菜 一黎健康 二黎補充骨膠原 燕窩就養顏 增加蛋白質 雪糕係我第二個覺得值得既地方 除左hd坐陣 今次仲加左dreyers既甜筒 個包裝已經好high class咁