韓珍 (寶勒巷)

营业中

休息中

之前食過尖沙咀幾間韓國餐廳，見韓珍咁多好評先打算試下，點知係最差嘅一次。唔明啲好評係邊度黎？！首先一入到去燒烤區，油煙極多。佢地個燒肉盤非常容易燒焦，就算火已經較得適中，當放肉上去燒盤中間短短10秒，燒盤已經燒到黑晒，如果照樣放係中間咁燒，肉好易燒焦，見咁樣就唯有放埋一邊燒，但個盤中間就越燒越黑，如果啲肉hi到燒焦嘅位，會有陣陣燶味。用呢款燒盤黎燒肉，簡直浪費晒啲食物！！點左幾款肉黎燒，當中牛舌切得太薄，一燒就散開晒。前菜方面，佢地嘅泡菜過酸，似放得太耐。點左菠蘿燒酒cocktail，一飲成陣藥水味，好難入口，不建議試。