成都老碼頭火鍋 (已結業)

朋友同我都好中意食麻辣鍋，佢成日都話好想去成都老碼頭火鍋，所以我就book咗晚飯時間圓一圓佢心願。一去到就俾呢個咁有霸氣嘅入口震住😂好有型！入面有醬料區，可以根據自己口味調味！鐘意食重口味嘅我地，就緊係落好多葱茜蒜🤤再加食麻辣鍋最緊要嘅麻油。麻油＋蒜泥＋莞茜，真係好香好香。勁正！因為呢個星期打咗好多日邊爐，所以我地想要一邊係清啲嘅湯底。嗰staff聽到我地咁講，就即刻推介我地叫純天然椰子湯。另一個就緊係叫成都原味麻辣。淨係見到通紅顏色就令人熱血沸騰 🔥🔥麻辣湯底叫咗小辣，味道令人容易接受，好香。而且佢地嘅湯底辣得黎可以保留到食材味道，唔會掩蓋食物原本嘅香味。椰子湯令人驚喜，勁到清甜，仲有好多椰子🥥！我地兩個女仔其實勁大食😂叫咗好多好多嘢食！打邊爐點少得牛，我地叫咗日本A4牛肩胛。肩胛肉好嫩又有彈性，而且肉味濃！好正！麻辣鍋必叫鮮毛肚！毛肚煮咗八秒口感勁佳，嫩脆，爽口化渣！見好多人都推介筷子牛，就一定要試下啦！牛肉係處理過，好入味，就算煮幾耐都可以保持到好嫩滑同爽口。西洋菜手工餃子餃子皮薄，料多，淡淡嘅西洋菜味，混入豬肉特別夾，而肉汁豐盈！老友鬼鬼就係油炸鬼加墨魚滑！油炸鬼吸哂啲湯，好正