玉桃軒酒家 (康怡廣場) (已結業)

今日,我同朋友約左去太古去食飯。之前一日就打電話去玉桃軒book檯。入到餐廳地方好乾淨；地方很寬敞。侍應就問我幾多位，然後就帶位：然後就問咩茶，我就叫左香片，佢之後就好快俾左一壺香片同一壺滾水，佢仲俾我一隻大碗俾我洗D杯碟；我就梗係二話不說咁沖下D杯同碗。之後就決定叫左個湯：赤小豆鯪魚煲豬踭湯、砵酒焗日本珍珠蠔煲、鯪魚崧炒芥蘭。先講下個湯佢把湯渣同湯分開：令我飲得安心,因為我好怕飲魚湯；一來怕腥、二來怕有骨。但呢個湯唔腥之餘仲有一種甜添。之後食左D湯渣，個湯渣有豬踭肉、赤小豆同粉葛。粉葛唔太硬，赤小豆有少少淋但唔係保到散哂。鯪魚崧炒芥蘭個芥蘭好翠綠，食落去好爽口無苦味。芥蘭的菜好新鮮而且唔係老。份量都幾大份。最後就到砵酒焗日本珍珠蠔煲，上菜的時侯好熱,初時以為珍珠蠔係會好細隻。但現實係隻隻好大隻，而且係砂煲上菜。咁樣上菜可以keep 到個菜的熱度。味道方面,蠔本身0既肉好淋；好鮮味而且仲有洋蔥味。醬汁方面都幾甜。個蠔煲除左蠔之後仲有金菇。呢個煲送飯一流。