茶星人 (美孚新邨) (已結業)

忙裡偷閒，如果返工冇手食下午茶，叫杯嘢飲都唔錯呀🤤。茶星人嘅鮮奶好香口，雖然唔算厚身，但味道可以媲美幸福堂或者老虎堂。最可惜嘅係我叫咗少珠 (如圖 less boba)，因為我食過唔少煮唔透嘅珍珠，外軟內硬咬落好傷心。點知茶星人將佢地煮得咁彈牙，叫咗少珠嘅我真係蝕哂底呀！另外怕甜嘅朋友都唔駛特登叫少甜，茶星人落黑糖糖漿嘅份量啱啱好，食到黑糖獨特嘅香味之餘又唔會甜到漏。下次一於試埋芝士奶蓋系列飲品🧀！