韓松園 (已搬遷) 新店位置

上綱睇到呢間韓國菜，好多人都話好食, 咁就一家三口去試吓，叫了一個2人套餐, 包括: 人蔘雞湯, 鐵板燒牛肉，石頭鍋飯（加10蚊轉了石頭海鮮飯）另外再叫了泡菜餃子，蜜汁燒雞翼3隻，首先要講吓個人蔘雞湯, 一D人蔘味都冇, D湯淡到飛起, 完全唔夠火喉，一食粒紅棗就知, 硬到死, 都唔知D人點解會話鮮甜好味，D味道仲差過快餐店D無味精例湯, 跟住就系個鐡板燒牛肉，一D牛肉味都冇，好似食緊豬肉咁，個石頭海鮮飯又係淡到飛起，冇味道，跟住就係泡菜餃子, 食左里面竟然一D泡菜都冇，問侍應佢先話冇哂泡菜餃子，真係離哂大譜，冇哂都唔出句聲，求其上個豬肉餃子就算，另外3隻蜜汁燒雞翼仲離譜，煎到濃哂，好似炭一樣都可以出品，叫佢地換過就好好多啦，所以我對呢間韓國菜真係非常失望，一個字形容「差」絕對冇下次，原本都冇諗過寫評價，就係因為睇到咁多人評價話好，所以我就要講出真心話，這是我第一次寫評價, 只係想俾多D人知道呢間野唔係D人話咁好食！