金甲韓國料理 (已結業)

食5點鐘個場 啲人唔知係咪攰得滯定未訓醒 幾個都西口西面！！同埋啲野食完全冇味.. 有隻雞翼蚊淨2條雞毛 勁嘔心囉🤢我開頭仲以為係啲蔥痴左係到 點知唔係囉 即刻食慾大減😣😣 仲有啲三文魚超薄 好似2張紙搭埋一齊咁薄！！出去拎個陣仲以為係煙三文魚😑😑啲炸野(薯條/饅頭)一啲都唔脆 我係睇住佢地拎出黎 我即刻去拎既 都唔脆同埋唔係好夠熱。同埋個環境好焗好暗 冷氣唔夠 佢開哂啲燈 都唔夠光 成個場都好暗 仲有最難頂既係佢部電話 個電話聲好大聲好尖 我已經係坐入面比較入既位置 都覺得啲聲尖到耳仔痛 響10次 8次都冇人聽 (個場個陣冇乜客 都唔聽)仲有個職員好大聲咁同另一個職員講 你唔好聽呀 如果咪我打死你架🙄🙄 真係o哂咀 你唔聽既 不如cut左個電話佢啦 一定唔會再有下一次食依間野 真係食過最難食既韓燒👎🏻👎🏻