JK Brother’s (已結業)

起初睇雜誌網上介紹看似及吸引，食評都不錯，就同朋友5月17日試下，結果『中伏』！入到舖第一個感覺好差，由帶位女仔至兩男一女侍應超冇禮貌，全間舖員工都黑口黑面，亂將食物放上枱，根本唔冇理客人落單要咩，有嘢俾你食就得。到食物質素，雜誌主要介紹麻油八爪魚&醬油蝦，麻油八爪魚本人就冇叫，因為隔離枱溫馨提示，冇麻油味，正確嚟講一啲味都冇，到個醬油蝦只係一般刺身蝦上面加豉油，仲勁腥。串燒牛舌、雞串、雞腎燒到乾過餅乾，其他炸物淡而無味，刺身壽司唔太新鮮，海膽茶碗蒸海膽有怪味，如果只係蒸蛋正常好多，羊架都唔需要講。唯一雪糕雪條及飲品係冇問題，同介紹一樣種類冇少......結論 冇下次