影片
更多
2010-01-25
12 浏览
同D四川同學去西貢食晚飯.香港野又唔係大陸冇得食,但佢地未食過越南菜,所以就一齊去食喇~~見到OPENRICE 11個好評,連OK都冇,劣評更加冇,去到之後就知點解.雖然去到見到舖位細細間,都有二十個位倒去果陣未有太多客~菜黎喇~真係好好食!蝦餅<--超好食,賣相唔錯,金黃色,當然要趁熱食啦~一咬落去!真係好香好有咬口~!好惹味,好味到食完一舊又一舊.我食左最多蝦卷<--幾好食,就咁睇都好有水份,唔會好乾,賣相唔錯架,廚師仲好有心機咁見我地有六個人就將佢分返開六份~配上特製魚露好鮮味下~牛油果芒果軟殼蟹米紙卷<---極力推薦(睇下面有一段介紹~)牙車快<--我就覺得唔係好O岩口味,可能因為有鹽西,但我D朋友都覺得幾OK,當係飯後清一清個口,準備下食下一味菜唔錯~~牛油果芒果軟瞉蟹米紙卷,賣相一流,十分有層次,軟瞉蟹大大隻,見到芒果牛油果已經令人垂涎欲滴.食落去一陣芒果味,咬落去有D軟瞉蟹O既口感~之後係一陣甜味,將食物送到咽喉時候果種香草O既芬芳真係撲鼻而來,食完之後一陣清香!總括而言依個米紙卷係睇又有層次,食落又有層次,好耐都未試過依種咁有層次O既食物
香港野又唔係大陸冇得食,但佢地未食過越南菜,所以就一齊去食喇~~
見到OPENRICE 11個好評,連OK都冇,劣評更加冇,去到之後就知點解.
雖然去到見到舖位細細間,都有二十個位倒
去果陣未有太多客~
菜黎喇~真係好好食!
蝦餅<--超好食,賣相唔錯,金黃色,當然要趁熱食啦~一咬落去!真係好香好有咬口~!好惹味,好味到食完一舊又一舊.我食左最多
蝦卷<--幾好食,就咁睇都好有水份,唔會好乾,賣相唔錯架,廚師仲好有心機咁見我地有六個人就將佢分返開六份~配上特製魚露好鮮味下~
牛油果芒果軟殼蟹米紙卷<---極力推薦(睇下面有一段介紹~)
牙車快<--我就覺得唔係好O岩口味,可能因為有鹽西,但我D朋友都覺得幾OK,當係飯後清一清個口,準備下食下一味菜唔錯~~
牛油果芒果軟瞉蟹米紙卷,賣相一流,十分有層次,軟瞉蟹大大隻,見到芒果牛油果已經令人垂涎欲滴.食落去一陣芒果味,咬落去有D軟瞉蟹O既口感~之後係一陣甜味,將食物送到咽喉時候果種香草O既芬芳真係撲鼻而來,食完之後一陣清香!
總括而言依個米紙卷係睇又有層次,食落又有層次,好耐都未試過依種咁有層次O既食物.
食物衛生冇問題丫~~~好滿意
我D四川朋友話係黎香港食過最好食O既食物!第日我再去西貢一定會幫襯~
傾開計完來廚師係越南華僑,唔怪得咁好食啦~
舖面兩個員工仲好主動係咁同我地傾計,傾好多越南旅行D野,又同四川朋友交流左好多.
臨走時大合照,佢又推薦我地去一間甜品店(又係好正,好有特色)
依D咁好O既服務態度抵俾五分啦!!
食左以上咁多野,都係每人五十蚊~晚飯黎講超抵~
张贴