雞仔去骨海南雞專門店 (靄華大廈)

营业中

休息中

返工返到燥燥哋，食返個好西先。呢間雞仔本身已經食過好多次，今次真係要寫食評讚一讚佢。今次我叫咗個口水雞飯外賣。呢個口水雞飯冇得揀辣度，只有一種辣度，我自己就比較食得辣，所以就覺得一啲都唔辣。雖然冇得揀辣度，不過個汁本身都好惹味，所以都好好味。雞嘅份量都幾多，夠哂食，而且每一舊雞都好滑，食咁多次都無一次係會鞋。呢個飯本來係跟油飯，但我就比較鍾意食白飯，所以轉咗白飯，價錢一樣。另外呢個飯仲有湯送，今次係南瓜湯，唔好以為例湯就馬馬虎虎，足料又煲得夠哂溶。👍🏻👍🏻👍🏻