森記餐室飯館 (已結業)

聞說這裡的叉燒好美味，專誠到來一試!用上西班牙伊比利亞豬肉，出來效果鮮嫩多汁，豬肉味豐富!$160-8件厚切，$20啖好似貴左d，但堅好食!! 記得要提早預留!燒鵝$350隻，都係要預留，好大隻，朋友住深井，話好食過深井燒鵝!8個大男人到最後都係食唔晒薑蔥桶蠔，夠火氣，薑蔥爆香了，蠔也唔覺腥，一煲有5-7隻，視乎蠔大小。煎大蝦碌，每隻二両$28，煎得夠香，蝦肉依然嫩！伊比利亞豬做的咕嚕肉，個人覺得呢個同普通咕嚕肉差唔多，食唔出分別。最後忍唔住要叫多碟叉燒，真係好味!其實仲有實惠d既叉燒蛋飯，雖然唔係西班牙豬，但感覺不俗，絕對比連鎖式的高出幾班!