影片
更多
2018-09-05
433 浏览
開左咁耐，食過5-6次，之前都唔錯，但今日真係好差...特別係服務！！我地一行3人，兩女一男，約19:45到，唔洗等位，入到去先坐圓枱，準備點菜，見到4人卡有人離坐，問侍應可唔可以調過去，佢話唔俾，因為出面有4個人等緊...我地唔緊要坐返圓枱，但之後入嚟係3個人，唔係4個人...點左兩碗麵、雞翼尖、炸魚皮，一碗蟲草雞湯米線（加底）（之前試過一次加底係另上），另一碗係醉雞米粉，蟲草米線先上，目測同平時份量無分別，就問待應有無加底，佢望一望張單，講左句「係wor, 要加底，問我地另上有無問題？」我話「可以」之後佢問廚房，佢回覆「廚房話加左」咁算，之後食，大概分到大約兩碗半的細碗share，而隨後嚟既醉雞米粉，份量同頭先嗰碗好似冇乜分別，我就問待應，呢碗係咪正常無加底，佢話係，我之後俾佢睇份量，話「好似同之前加左底果碗無分別」...佢好唔好意思咁，講左句，「廚房係話頭先個碗加咗」，咁我地都唔係想留難佢...最後碗米粉可以分到3小碗...加唔加底、有無加底，唔係今次我要俾負評主要原因，主因係其中一個待應阿姐，喺我地食野過程，撞到我同隔離個女仔超過十次，而且唔覺得有坐，我明白坐位係比較迫，通道比
我地一行3人，兩女一男，約19:45到，唔洗等位，入到去先坐圓枱，準備點菜，見到4人卡有人離坐，問侍應可唔可以調過去，佢話唔俾，因為出面有4個人等緊...我地唔緊要坐返圓枱，但之後入嚟係3個人，唔係4個人...
點左兩碗麵、雞翼尖、炸魚皮，一碗蟲草雞湯米線（加底）（之前試過一次加底係另上），另一碗係醉雞米粉，蟲草米線先上，目測同平時份量無分別，就問待應有無加底，佢望一望張單，講左句「係wor, 要加底，問我地另上有無問題？」我話「可以」之後佢問廚房，佢回覆「廚房話加左」咁算，之後食，大概分到大約兩碗半的細碗share，而隨後嚟既醉雞米粉，份量同頭先嗰碗好似冇乜分別，我就問待應，呢碗係咪正常無加底，佢話係，我之後俾佢睇份量，話「好似同之前加左底果碗無分別」...佢好唔好意思咁，講左句，「廚房係話頭先個碗加咗」，咁我地都唔係想留難佢...最後碗米粉可以分到3小碗...
加唔加底、有無加底，唔係今次我要俾負評主要原因，主因係其中一個待應阿姐，喺我地食野過程，撞到我同隔離個女仔超過十次，而且唔覺得有坐，我明白坐位係比較迫，通道比較窄，我已經提左佢兩次，我都坐入左，都會撞到我，其中一次係撞到我隻手，令到夾住既雞跌左！！（留意：撞到手，已經係兩個人中間既虛位...我肯定無申出嚟，咁都撞到😡😡）整個過程，我根本唔可以安樂咁食...
到食物，醉雞湯還算保持到水準；而蟲草雞湯就真係麻麻（真心唔關有無加底事），感覺同之前其中一位評論一樣，似食緊湯渣咁；而不得不提嘅係個雞翼尖，之前食過都可以，但今次食就太差了，好鹹唔係普通嘅鹹，係鹹到苦，我食左一隻就無食，最後剩返大半碗...
總括評級，真係好差，我仲專登帶個荃灣朋友嚟食，又撞啱服務同食物都咁差，佢仲講笑話「係咪玩嘢，要去試吓啲咁差」！！
19 浏览
0 赞好
0 留言
张贴
