牛大人台灣火鍋吃到飽

营业中

休息中

唔經唔覺，原來連牛大人已經唔使排隊…周末中午12:30嚟到，唔使排隊之餘，食嘅人都唔係咁多，可見呢個曾經風靡一時嘅台式火鍋，已經out咗？其實我認為佢嘅質素冇大幅下跌(放題一般都好少大跌watt)。當然而家咁少人，就係入座嘅好機會了。無論係湯底，指定肉，外面任拎嘅配料，都仲係水準之中，嘢飲更加係多到誇張。當然，overall真係冇牛站咁好食同咁多嘢食，但牛大人都唔算差，牛肉滑同瑤柱滑係最特別同好食。至於而家送嘅鴨屎香檸檬茶就普普通通。有時，可以舒舒服服咁食，都好緊要。