瑪寶鮮

营业中

休息中

呢間野唔算隱世小店，價錢都唔平，但大大份，對得住個價。好多時同外母食飯都會去呢間，佢好中意食，我間唔中都會去食。不如就介紹下我覺得好好食嘅野。蟹肉粉絲煲，啲蟹肉（佢話）每日新鮮起肉，好鮮甜彈牙，無一粒肉係梅嘅。粉絲炒得好乾身，加少少肉碎，少少辣味，豐富左個味道，好惹味。乳鴿，好好好好食，好多汁，好好肉，個皮都好脆。最緊要係個鴿胸肉一啲都唔鞋口，又唔會話好軟好乾，咬咬肉真係好正。片皮鴨，都係好好食。鴨皮好脆，下面啲鴨肥油仲增添唔少鴨香味。至於啲鴨肉仲好多汁，唔乾。