伊勢日本料理 (已結業)

啱啱一個月前先嚟試過「伊勢」, 呢個星期五, 問班同事想食乜,雖然已經搵咗新食市, 但佢哋話竟然話好掛住「伊勢」啲魚生飯, 要再去食過喎~今次有七個人, Set lunch 仍然有買五送一優惠,其中六個人諗都冇諗, 就落 order, 而上次食燒汁雞扒便當仍然都係叫噃呢樣。又係先嚟日式燉蛋, 仍然夠熱夠滑, 好味!跟住當然係主菜啦! 基本上都同上次差唔多, 湯都係合格, 黃瓜我唔食既!個小食都係蘿蔔炆牛腩, 依然好腍好入味, 正!啲魚生依然係咁多, 但係唔知點解, 大家都覺得今次好似冇上次咁新鮮呀! 今次既甜品當然都係叫雪糕啦! (仲點會叫熱啡?)上次試咗芝麻喎~~ 今次試吓紅豆先~~喂! 又得喎!! 成餐食得最滿足係呢個雪糕球!! 雖然今次感覺好似差咗少少, 但我諗過多一排, 班同事又話想嚟食架喇! 更詳細資料及圖片請看 : http://hk.myblog.yahoo.com/joycewai616/article?mid=7173