影片
更多
2024-10-30
1094 浏览
酒店自助餐食得多，串燒放題又真係未食過～最近位於北角港島海逸君綽酒店地下大堂酒吧，推出2小時任食炭火燒烤串燒放題✨ 仲要唔係普通串燒，而係正宗炭火燒烤串燒，香噴噴嘅炭火香氣，配埋串燒本身嘅鮮味，食過先知炭火燒烤嘅串燒同一般燒法完全係兩回事！仲要有40款以上嘅串燒任揀，2小時任食時間，就可以盡情品嚐每一款串燒嘅獨特滋味了～🦑 海鮮控注意必食推介墨魚嘴，甜甜哋又有嚼勁，個口感一流。肥美嘅鰻魚仲要逼出油脂，食落香噴噴，極之惹味！仲有鯖魚、魷魚、多春魚、墨魚丸、龍蝦丸等等任揀🥩肉食控最佳選擇齊晒豬牛雞羊，款款都係精選食材；鍾意重口味可以揀沙爹系列串燒～雞皮、雞頸肉、午餐肉、牛舌、羊肉樣樣有齊，款式亦十分特別🥬素食都照顧到蒜茸包、蘆筍、茄子、菠蘿、秋葵、一次過補充晒唔同營養 **特別推介燒豆腐串，師傅用嘅調味料入味程度堪稱一流，每一啖都有足料嘅醬汁香，最重要係豆腐嘅口感完全冇得輸 - 外脆內軟，完全唔會乾身💯每位客人都可以免費享用燒生蠔兩隻，同時放題有提供單點嘅串燒系列🗯蒜茸焗生蠔新鮮生蠔加埋香噴噴嘅蒜蓉，再焗到金黃色，香氣撲鼻！試完一啖都覺得值回票價，鮮味同蒜香完美配搭，連湯汁都唔想漏低呢😂芝
酒店自助餐食得多，串燒放題又真係未食過～最近位於北角港島海逸君綽酒店地下大堂酒吧，推出2小時任食炭火燒烤串燒放題✨ 仲要唔係普通串燒，而係正宗炭火燒烤串燒，香噴噴嘅炭火香氣，配埋串燒本身嘅鮮味，食過先知炭火燒烤嘅串燒同一般燒法完全係兩回事！仲要有40款以上嘅串燒任揀，2小時任食時間，就可以盡情品嚐每一款串燒嘅獨特滋味了～
🦑 海鮮控注意
必食推介墨魚嘴，甜甜哋又有嚼勁，個口感一流。肥美嘅鰻魚仲要逼出油脂，食落香噴噴，極之惹味！仲有鯖魚、魷魚、多春魚、墨魚丸、龍蝦丸等等任揀
🥩肉食控最佳選擇
齊晒豬牛雞羊，款款都係精選食材；鍾意重口味可以揀沙爹系列串燒～雞皮、雞頸肉、午餐肉、牛舌、羊肉樣樣有齊，款式亦十分特別
🥬素食都照顧到
蒜茸包、蘆筍、茄子、菠蘿、秋葵、一次過補充晒唔同營養 **特別推介燒豆腐串，師傅用嘅調味料入味程度堪稱一流，每一啖都有足料嘅醬汁香，最重要係豆腐嘅口感完全冇得輸 - 外脆內軟，完全唔會乾身💯
每位客人都可以免費享用燒生蠔兩隻，同時放題有提供單點嘅串燒系列🗯
蒜茸焗生蠔
新鮮生蠔加埋香噴噴嘅蒜蓉，再焗到金黃色，香氣撲鼻！試完一啖都覺得值回票價，鮮味同蒜香完美配搭，連湯汁都唔想漏低呢😂
芝士焗扇貝
扇貝新鮮彈牙，芝士香濃得嚟又唔會蓋過扇貝本身嘅鮮味。焗到表面金黃香脆～
燒羊扒
羊肉控必食推介！裡面保持剛剛好嘅熟度，完全無羶味，肉質軟嫩多汁，連平時唔食羊嘅都話好食👀
鹽燒鮑魚
矜貴嘅鮑魚用最簡單嘅鹽燒方法，將鮮味完美提升！肉質爽彈，鹽香適中，完全唔會喧賓奪主呢🙌
燒烤牛仔骨
肉質鬆軟！油脂分佈均勻，肉汁四溢
燒雞泡魚乾
魚乾燒到金黃酥脆，點啲沙律醬食鹹香惹味！出去自助吧斟返杯飲品配住慢慢JAP就最啱😙
最後不得不提佢哋嘅自助吧，當日甜品有栗子撻、咖啡泡芙、椰汁糕，仲有綠豆沙同香濃椰汁西米露，其他輕食包括加州卷及多款新鮮沙律，另外仲有唔少解渴飲品提供！
總結：
大堂酒吧環境舒適，唔似一般串燒鋪咁嘈雜，坐喺舒服嘅梳化度食串燒，完全唔使驚全身有串燒味！加上酒店式服務水準，全程十分寫意，配埋個環境，會係約會、聚餐嘅首選💁
张贴
