大亞味工房日本料理 (已結業)

星期五同三個食友打波前去食唔太好食的壽司，使我決心o尋日中午前去book位試試。可能係今期大熱，佢話full晒，要我o地book6:30p.m.，7:45pm交枱就得。可能先入為主的關係，我同老公都覺得個格局好似以前“小喇叭”，不過光猛好多。其實一直到知道“大亞”係日本食品進口商，而且我有朋友試過佢以前私房菜，都讚不絕口，所以未食之前都抱有好大期望。本身直接入口刺身應該新鮮，三文魚刺身幾厚切，好鮮味、肉質好好。牡丹蝦兩食，蝦身做刺身，蝦身唔得通透，味道ok，講唔出欠缺d咩野，蝦頭用o黎炸，好正好脆，而且薦底張吸油紙，可以做到滴油不沾。壽司叫了四款，海膽有分兩種價錢，有日本有本地，我o地要了日本個隻，真係好新鮮好甘甜。Toro好肥美厚身。鰻魚就一般，覺得有少少霉。軟殼蟹卷又係好掂，入面隻蟹仲微暖，而且好脆卜卜，比起o尋日食個d差好遠。而D壽司飯是鬆軟，唔會腍pat pat。再叫了鐵板牛舌同燒鵝肝就麻麻，鐵板同燒的整法應該會好香，但以上兩者到冇，而且仲整得過火太熟，牛舌好韌、鵝肝唔嫩。可能食o番佢D日本進口海產會有信心D。不過以咁o既錢比我選擇，我會番抄孝勢，都唔會再o黎呢度。