星期日中午時份都唔多客,約2成滿, 我地只有2個人, 友人唔食得麻辣(真可惜) 叫左"挅"椒小邊,中辣, 再加左一碗米線!
上菜, 侍應講解魚已經7成熟, 可以先食配菜(有豆卜,青瓜, 翠肉瓜,金菇), 食到咁上下就可以加米線去吸d湯。d魚好滑,又夠辣,豆卜吸晒d汁好好味!! 我地食左少少魚已經加米線,所以d魚食到後來已經開始老,所以下次應該快d食左魚先!!
整體來講幾好食, 不過都幾貴下, 食滿$100送$10 coupon, 諗住下次黎試下個魚頭米線有得減10蚊雞~!
今日黎o個時有其他外國人客, 侍應英文都唔多好,不過都好有耐性慢慢講, 值得一讚
