八木橋日式燒肉

营业中

休息中

出街食饭比人限90分钟交枱真系食都食得唔尽兴, 见哩间有个3周年限定优惠, 早3日经网上卜位就可以食足4小时, 即卜!哩度以卡位为主, 所以坐得都几舒服有自己既空间。除左多款肉类同小食之外, 哩晚既重点一定系日本A4五品和牛,  D牛既油花充足食落嫩口又重牛香, 叫左几round都一样高质。另外海鲜都有质素又几多款, 鲍鱼, 大虾, 扇贝全部大大只, 仲有最中意系刺生级生蚝，比平时食既广岛蚝更加大只饱满, 任食4个钟黎讲真系好满足。饮品除左基本汽水, 茶饮, 仲有Asahi啤酒任饮, 朋友话唔洗就住就住饮得好尽兴。仲有唔小得甜品!! 最尾就算好饱都要食番两杯Haagen Dazs, 捧住个肚埋单。