影片
更多
2021-10-18
178 浏览
去咗沙田「大喜屋」食放題💗原來依間入面好大，裝修仲好時尚，座位舒服，環境唔錯喎～平日午市放題每位＄198（另加一），12:00入座可以食到15:00🥰放題選擇非常豐富，除咗有多款新鮮刺身😚最正係有我超鍾意嘅海鮮料理～🔶刺身🔶點咗甜蝦丶赤蝦丶象拔蚌丶帶子丶赤貝丶三文魚⋯整體都好新鮮👍🏼🔶一品料理🔶咖喱香辣蟹真係正🥳好鍾意佢個咖喱汁，夠晒香口惹味～服務員仲好貼心，隨即遞上濕紙巾同蟹鉗夾，等你可以盡情食～而🦀蟹粥都幾大一鍋，可以2個人share 1份。豉椒炒蜆豉汁好入味👍🏼另外仲有比較中式嘅蠔皇鮑魚時蔬同埋吉品花膠盛宴。🔶串燒丶燒物丶炸物🔶個人覺得香草燒羊鞍同埋鹽燒牛舌都好唔錯💗羊鞍燒得恰恰好，肉質嫩，羊羶味又唔會太重👍🏼而蒲燒鰻魚都幾肥美。仲有點咗燒菠蘿丶榴槤炸彈同埋吉列牛乳炸鮮奶，依三樣都好食，菠蘿多汁鮮甜，流心餡榴槤炸彈，榴槤香氣夠晒濃郁！🔶壽司🔶依度壽司🍣size幾好，一口一啖唔會太大件，樣樣試少少就最啱。放題仲有海膽食👍🏼海膽山賣相幾靚，而鵝肝帶子上面鵝肝比較袖珍，叫做過吓口癮。我幾鍾意火炙岩鹽燒左口魚，燒過之後好香口。🔶自助區🔶選擇好豐富，前菜丶沙律丶水果丶凍熱飲品丶啤酒丶雪糕雪
平日午市放題每位＄198（另加一），12:00入座可以食到15:00🥰放題選擇非常豐富，除咗有多款新鮮刺身😚最正係有我超鍾意嘅海鮮料理～
🔶刺身🔶
點咗甜蝦丶赤蝦丶象拔蚌丶帶子丶赤貝丶三文魚⋯整體都好新鮮👍🏼
🔶一品料理🔶
咖喱香辣蟹真係正🥳好鍾意佢個咖喱汁，夠晒香口惹味～服務員仲好貼心，隨即遞上濕紙巾同蟹鉗夾，等你可以盡情食～
而🦀蟹粥都幾大一鍋，可以2個人share 1份。豉椒炒蜆豉汁好入味👍🏼另外仲有比較中式嘅蠔皇鮑魚時蔬同埋吉品花膠盛宴。
🔶串燒丶燒物丶炸物🔶
個人覺得香草燒羊鞍同埋鹽燒牛舌都好唔錯💗羊鞍燒得恰恰好，肉質嫩，羊羶味又唔會太重👍🏼而蒲燒鰻魚都幾肥美。
仲有點咗燒菠蘿丶榴槤炸彈同埋吉列牛乳炸鮮奶，依三樣都好食，菠蘿多汁鮮甜，流心餡榴槤炸彈，榴槤香氣夠晒濃郁！
🔶壽司🔶
依度壽司🍣size幾好，一口一啖唔會太大件，樣樣試少少就最啱。放題仲有海膽食👍🏼海膽山賣相幾靚，而鵝肝帶子上面鵝肝比較袖珍，叫做過吓口癮。我幾鍾意火炙岩鹽燒左口魚，燒過之後好香口。
🔶自助區🔶
選擇好豐富，前菜丶沙律丶水果丶凍熱飲品丶啤酒丶雪糕雪條丶冷熱清酒🍶丶甜品⋯全部都好齊全。最後飽到上心口都要食返條榴槤雪條😚好滿足食足三個鐘！
张贴
