Bamboo Thai (屯門市廣場1期)

营业中

休息中

見到呢個品牌啲食評同評分都非常好，而且又成日要排隊，以為會係高質泰菜，但食過先知，是比不外如是更差，直頭唔合格。。。首先，炸蝦餅，偏細粒，最大鑊係一啲都唔彈牙，連最基本嘅嘢都做唔到，真係不知所謂。再嚟係個冬蔭雞翼，炸漿又厚又硬，又吸唔到啲汁，失敗之作。炒金邊粉是可以的，不過幾細碟。味道唔太似平時食開偏紅色偏酸果種，感覺都幾油膩。重頭戲火山骨嚟料，個樣係幾勁，成座山咁，打卡一流。味道真係唔到你唔信，衰過煲湯骨，每啖肉都好大陣「油益」味，傻的嗎？真係要用咁差的食材賺到盡？？？？？ 個汁幾酸幾惹味，但點都遮唔到陣油益味呢間嘢，無一可取，性價比低，建議直接忽略。