紅螞蟻 (已結業)

今日響灣仔攪了兩場WCCF比賽, 攪完之後又攰又餓又酒癮起, 於是乎就約左我太座去旺角食飯, 食完又去太子飲啤酒, 可能天氣太熱(原來係小暑)關係,冇乜胃口又想唔到食咩, 但又真係肚餓喎.行下行下, 行到始創附近, 見到一間紅螞蟻, 其實開左都有一段日子, 不過就係冇同我太座去過. 反而同另一個朋友去過呢間及尖沙咀的分店.我記得有一個香檳芥末焗鮮牛肉飯好好食, 於是乎就走左埋去睇.原來依家有一個兩人餐\包括一個小食, 兩款飯麵, 兩杯茶啡$138.茶啡轉凍+$2 轉特飲+$7至$12不等另外加指定四款小食其中之一+$12我同太座要左小食- 燒豬仔骨- 香口好食唔肥膩. (圖1)飯麵- 紅酒肉醬鴨胸天使麵- 麵身淋左少少, 不過味道適中, 麵底都幾多菜, 正!(圖2)飯麵- 香檳芥末焗鮮牛肉飯- 三個字"無得頂" 幾十蚊價錢一百蚊美食.(圖3)杯品- 凍檸荼, 凍柑吉檸蜜(只加凍錢$2)另+15要左個炸湯圓- 令人驚喜之作, 炸皮脆湯圓軟圓心香, 加$15有五粒, 超值.(圖4)另外在場所見, 其他食物都唔錯.小食- 炸魷魚鬚- 好粗好大碌炸軟腳(殼)蟹$40 兩隻, 賣相就相當唔錯,