小王牛肉麵 (已結業)

茶餐時間係係抵嘅$47 有個半筋半腩麵加杯蘋果綠茶，因為口痕再叫多左鹽酥雞。提早打電話落去叫定，大約十分鐘左右行到已經有得拎🙈唔使等太耐。外賣佢會分湯，打開蓋見到個湯個顏色同聞落個味道都夠濃郁，入口味道都唔錯，夠味又唔會得個咸字👍🏻半筋半腩嘅份量都算足，大大嚿，唔會好似有d地方甘碎濕濕，雖然一向都係鍾意食筋位多，但呢度個腩位係好食過筋位。佢d筋有dd熟得太「林」筷子一夾就散，食唔到筋位彈性嘅口感。不過腩位搭救返，整體上都唔錯嘅！