盛八日式燒肉放題店 (已結業)

七點上到去人唔多，其實係少人添，不過見到唔少reserve牌放左係張枱度。HSBC咭有指定菜式買一送一優惠於是兩個人點了兩份牛舌，一份和牛，一份牛胸同一份super hot雞。牛舌：其實我只係想試下，咁岩買一送一，結果一人一碟，太多...味道ok。以為會似牛肉，不過食落係夾夾地。每食一啖有少少核突0既感覺，只因為我唔太食"內臟"。和牛：好有据扒feel，多汁好咬口，不過第一舊我燒得太耐啦，咬唔斷。服務員溫馨提示只要五成熟就可以，其實我覺得可以三成都ok。牛胸：normal辣雞肉：正！！唔係話好spicy，但係好惹味，好入味，juicy！如果個胃許可，我會order多碟！環境ok，無煙無油無味，不過裝修屬一般，不過不失。服務幾好，唔洗開聲叫水都會refill，仲提醒我地應該點燒(係咪我地太似第一次去食？？）不過都幾貴，anyways，我地食到食唔落，好多挾硬食落肚0既。有機會多人D會再黎 食多D野。