板燒郎燒肉鐵板放題料理專門店 (已結業)

身邊如果有食肉獸朋友，燒肉放題永遠都會莫名奇妙地成為聚會之選，像是今次聚會便由兩位食肉獸朋友發起，原本聽到食肉興趣不大，但聽見有生蠔及刺身，自然又是另一回事了xd燒肉都算不錯，肉味比想像中濃郁，特別是牛肉類，烤完也不會太硬身。豬肉都okay，尤其辣味好正，似韓式辣醬，調味絕不手軟。出面任拎的扇貝，個人覺得太細隻，不過味道都新鮮；超多蟹籽沙律，入口「卜卜卜」。中間的韓式魷魚好正，入口辣到不得了；仲有芝士菜都值得一試，唔會太膩。加錢的扇貝大大隻，味道比出面任拎的更鮮甜及厚肉，仲有牛肋肉，雖然每次俾的份量少，但食落肉味濃郁。刺身相當有水準，厚切啖啖肉，入口鮮甜，個人最愛大大隻甜蝦，肉質爽口。雞翼尖，又係辣到飛起，但同行所有人都非常喜歡，煮得又軟又入味。