野郎Stone (已結業)

今日放假出尖沙咀分公司探下啲舊同事，之後 乘機去食番個扒先返屋企。 一個人嘅時候，我最鍾意嚟依度食，好多牛嘅部位揀選，易有紐西蘭羊架，西班牙黑豚，而且質素唔差，价錢又唔貴。 今日揀左西冷扒200g价錢係138元好抵食！用張紙 冚住都感受到塊肉喺度叫！香氣四飄，好惹味！大大件，熱辣辣！塊石不停咁喺度煎，食到尾都唔韌！切開好嫩滑多肉汁，味道啱啱好！配埋碗白飯，食完好飽足！再埋杯冰凍日本啤酒，真係好滿足！店細細大享受！簡直就係我嘅天堂！