野郎Stone (已結業)

今晚去咗MOKO行街，行到攰就費事返屋企食飯啦～ 一於喺一田裏面解決埋晚餐！野朗Stone 絕對係食肉獸會鍾意嘅地方。首先選擇你想要嘅肉同埋份量，之後就坐定定等食。枱面有食用方法嘅介紹，唔需要擔心唔識得處理件肉。我哋要咗一份美國上級牛小排、一份紐西蘭羊架。上枱的時候熱辣辣香噴噴！食嘅時候就切一塊燒一塊，保持美味。牛小排都幾厚身，肉質比較淋，味道都唔錯。羊肉香味十足，生熟程度控制得剛剛好，肉質鮮嫩！呢度嘅飯、湯、沙律都係無限添加，絕對可以食到好飽，大胃王嚟呢度都冇問題！