僕之拉麵 (已結業)

今日嚟到呢間位於旺角嘅日本拉麵店，店嘅裝修好有日本風，細細間鋪入邊大概10幾個座位左右，一入到去店員好有禮貌咁樣招呼我哋坐低，枱面已經有齊晒冰水同埋幾款拉麵嘅醬料，我地就用點餐紙點選自己嘅拉麵同埋小食。特選拉麵 ($135) - 呢碗應該就係餐廳嘅招牌拉麵，1.5倍嘅叉燒，炙叉燒，紫菜，溏心蛋，總之係乜都有😂😂 豚骨湯底非常之濃厚，而且都有適量嘅油份，上菜時見到條勁長嘅炙叉燒都興奮😂 而且因為叉燒係燒過，會有少少蕉香味，呢個好食😋肉愛食者拉麵 ($120) - 呢碗一個字講哂，就係肉肉肉肉🙈 佢有3倍嘅叉燒，舖到全個碗都係，打卡一流📸 仲有角切嘅粒粒叉燒，鍾意食肉嘅你一定唔可以錯過😂 不過份量真係勁多，朋友係食肉獸都食唔哂😂炸雞 ($38) + 炸章魚丸 ($30) - 除咗拉麵之外，呢度都有幾款小食，我哋就叫咗炸雞同埋炸章魚丸試吓。炸章魚丸就中規中矩啦，每粒入邊都有一粒八爪魚，啲粉漿嘅調味適中，配埋個章魚丸醬都幾好味😋炸雞就真係抵讚，啲雞炸到好脆，但都冇流失到入邊嘅肉汁，成件雞食落都好滑，呢個好高質😊😊😊