和幸日本燒肉料理 (已結業)

成班朋友中我係最係第一次食和幸，因為本身唔係食肉獸，今次都係俾佢地夾上黎。諗返最近自己連壽司舖都無去過，點知上到去都係咁多人， 因為星期五掛。 有讚有彈，第一個感覺係餐廳氣氛不俗(偏嘈)，可能D人星期五飲多兩杯講野大聲。不過鍾意日本feel既，係個唔錯選擇。我地食咩呢~~ 有好多，最記得呢幾個。特選肉盛 ~ 雜錦拼盤乜肉都有，不過唔明雞翼點解叫手羽先，Rrrrrrrr爆頭?!?!?。最想講牛胸腹肉，因為燒得好玩，見佢就溶就溶好似會流血咁，咬落真係有溶既感覺，唔使燒太熟架!!!! - 特選肉盛，雞牛豬樣樣有D。 柚子豚肉 ~ 淋左好多柚子汁上面，食落發現唔只酸酸甜甜，仲有胡椒味。 - 柚子豚白雪雪以為無味，原來好夠味。厚切牛舌 ~ 雖然厚身不過唔使燒好耐，食落好juicy。可惜始終唔太喜歡牛舌個感覺，小試一件夠了。班食肉獸反兜了兩次。 - 牛舌不是我杯茶，不過真係幾juicy。清酒牛油帆立貝 ~ 帆立貝壽司本身我至愛，今次燒佢黎食，D汁彈彈下好有燒野食feel，食落都正，係牛油味好香反而酒味少。 - 雖然明知個貝殼係加上去，不過我受呀~~