影片
更多
2013-05-13
565 浏览
前一排成日落雨, 天氣濕濕立立, 幾個星期六日個天氣都應真麻麻, 很影響出去行既心情. 幾個星期六日我同佢都係睇唔到天空既地方過, 食一d人做既食物, 個人都食得愈來愈唔舒服.星期五哥日, 我女朋友就係FACEBOOK講左句: ＂Although tomorrow may be rainy day again, I still want to go Lamma island on this Saturday!!!!!＂到左星期六, 真係好天, 藍天白雲, 多謝你比我地一個咁好既天氣~ 亦都因為咁, 我地可以食到呢間咁好既素食店. 農舍 GREEN COTTAGEGREEN COTTAGE就正正係人來人往既榕樹灣大街則, 門面放了一些小桌面和坐位, 很有氣氛 (如果不是人來人往的路則就更好了~), 正門口放了一個小黑板, 寫了一些廚師推界, 我們就是被這個小黑板吸引了進去食好野, 而且我女朋友佢都話佢都好想食一D清淡D既野, 素食就最一流了~環顧店內, 內裡比較夾窄, 牆身以打花了的混凝土牆, 配上一些木做家具和田園風格既罷設, 粗糙感覺令你有如真的在國外的農家中一樣.我地就叫左當日既廚
星期五哥日, 我女朋友就係FACEBOOK講左句: ＂Although tomorrow may be rainy day again, I still want to go Lamma island on this Saturday!!!!!＂到左星期六, 真係好天, 藍天白雲, 多謝你比我地一個咁好既天氣~ 亦都因為咁, 我地可以食到呢間咁好既素食店. 農舍 GREEN COTTAGE
GREEN COTTAGE就正正係人來人往既榕樹灣大街則, 門面放了一些小桌面和坐位, 很有氣氛 (如果不是人來人往的路則就更好了~), 正門口放了一個小黑板, 寫了一些廚師推界, 我們就是被這個小黑板吸引了進去食好野, 而且我女朋友佢都話佢都好想食一D清淡D既野, 素食就最一流了~
環顧店內, 內裡比較夾窄, 牆身以打花了的混凝土牆, 配上一些木做家具和田園風格既罷設, 粗糙感覺令你有如真的在國外的農家中一樣.我地就叫左當日既廚師推介套餐, 一個前菜一個主菜, $98, 價錢唔算話好平, 合理價囉.
前菜有田園沙拉同南瓜麵鼓湯可以選擇, 我地叫左兩個SET, 就一人叫一個兩大家試下~我主要左個湯, 看似忌念湯, 但是南瓜肉和其他材料都切成粗粒, 實際湯是比較稀身一點的湯, 話雖如似, 喝上來那些粗粒令我有如喝忌念湯的感覺, 而菜粒很有咬勁, 是一碗可以咬食的湯, 很有趣, 沙拉就比較平凡, 就像平時吃到的差不多, 可是滿新鮮的, 配上陳年香醋, 還好吧!!
主菜我就叫左個"意大利青瓜雜菜千層麵" 表面一睇, 你會懷疑你是否係一間素菜店度, 四四方方厚厚的一個千層麵, 表面好像放了很多很多肉醬既感覺, 很好看, 但是看很來也很肥膩, 絕對會令你以為你眼前既東西係一個滿口是油脂肉碎的千層麵, 但當你吃了第一啖之後, 你就會把你的想像全部推翻了.
"咦? 原來唔係肉醬來架喎! " 我食第一啖之後就講左呢句出來. 厚厚的千層麵, 內裡充滿蔬菜! 面層看似肉醬既一層, 其實係由細密既胡蘿蔔絲而成,
下層係意大利青瓜, 中層係茄子, 夾雜著闊麵條, 組成左個美妙既組合, 份量十足, 大男人絕對夠飽, 茄子和青瓜很軟熟, 很輕易就可以用叉一口一口咁享用, 由於沒有肉, 以蔬菜代替, 佢沒有好重既油膩感, 留有千層麵獨有既口感味道, 而食完成份千層麵, 口中都留有好清爽既感覺, 這是肉食菜餚沒有, 只有素菜所有的特色. 這個千層麵, 值得推介!
我女朋友就叫左個菠蘿粒素雞雜菜咖哩炒飯, 之前都講過佢既份量都幾大, 佢當然食唔晒, 包底既任務就落左係我身上.之前既千層麵很清爽, 呢個咖哩炒飯就180度大反轉, 香料味重, 用了很多不同素菜材料炒成, 味道唔似係我地平時食開哥隻咖哩味, 有種微微麻麻地, 似係胡椒既既感覺. 雖然重口味, 但是拾到好處不過火.
素雞粒配上小塊的荷蘭豆, 一個軟而有嚼勁, 一個爽口有咬勁, 口感層次豐富. 上面的胡椒薄餅也很香很好食, 唯獨是成牒菜比較乾身, 之後要飲很多水才行.
跟餐叫飲品可以減$8, 我地就叫左兩杯特飲, 個名都好得意~
壓力消滅液, 同元氣增幅液, 個名一聽到就覺得自己係RPG GAME度買藥水既感覺. 佢成日都要加班到好夜, 比佢消除一下壓力和添加一下元氣都好~ 元氣增幅液係白色微黃色的一杯特飲. 最初飲起上來有種似香蕉汁既感覺, 一看餐牌中, 沒有BANANA哦! 由眾多如杏仁, 胡桃等等果物加上蘋果汁打出來, 真係估你唔到幾好味, 即係食杏仁, 胡桃呢D平時食起來乾乾的東西, 當和蘋果汁混合之後就得出另一番味道, 很妙!
而壓力消滅液, 色深如血, 在剛送上時還有好多泡泡在上面爆開. 好似巫婆藥水既感覺~飲起上來有D似比較淡既桑果汁. 有一些果肉粒粒, 應該是士多啤利粒粒來.飲飽食醉之後就係時候埋單走人, 店員很友善, 你可以很輕鬆地和他們談兩句, 我們也和他們談了一會呢~ 可是可能人手不足, 而且外面看入去看似一間酒吧, 中午可能比較小人來吃東西, 要老闆也出門口啦客, 但是看到老闆時而拉客, 時而和熟人寒暄兩句, 有點有趣之餘另有一分親切感.
今天, 本牛找到了一間好店舖了! 下次想食素又有好介紹了~张贴
