2DP (已結業)

今日同朋友係尖沙咀行完街，朋友咁想食埋飯先返屋企，咁佢話想食清清哋，唔好成日食肉，咁我地就揀左呢一間專門食素嘅餐廳，咁入到去其實裝修都幾清新，因為餐廳都幾滿，咁我地就揀坐吧台，咁我就同我朋友叫左以下食物。牛肝菌Impossible肉碎闊條麵: 咁呢個牛肝菌嘅寬條麵我覺得係最好食嘅，因為佢味道幾濃，同埋有一啲好似肉碎嘅齋肉，感覺都幾得意，同埋食落佢都幾香， 所以幾啱我哋呢啲食重口味嘅人去食， 而且個寬條麵都充斥一啲香菇味， 整得真係幾好， 雖然份量唔算話好大， 但係我覺得都夠一個人嘅份量。50/50蕃茄自家製水牛芝士薄餅 : 咁呢個薄餅就比較薄身啲但係都幾脆， 我食到好重嘅水牛芝士味ge芝士，绝對適合芝士控及好啱食齋嘅朋友。另外去蕃茄都幾鮮甜，整體黎講我覺得都算唔錯，不過覺得如果中意食厚批嘅朋友就要體諒。火龍果紅茶乳酪及菠蘿熱情果沙冰:最後我同朋友叫左黎兩杯野飲，咁我覺得火龍果個杯造得唔錯，因為真係嘅新鮮及清香，而且火龍果我覺得都幾有益適合女士飲用。Overall嚟講賣相真係幾靚同味道不錯。