雲貴軒米線專門店

营业中

休息中

事緣呢日係葵芳行街，不經意行入一個人影都冇隻既商場，但出奇地好多食肆。眼見呢間雲貴軒坐滿晒位，應該味道唔差。鋪位裝潢乾淨企理，但繁忙時間可能就要同人搭枱，但都無可厚非既～ 打開menu，除左有主打小窩米線之外，仲有台式肉燥飯，同埋好多款小食，眼花繚亂。小窩米線餐 包一杯熱飲，40蚊 凍飲加3蚊。我就叫左香炸豬扒做配料。米線份量好足，加左芽菜 酸菜 芫茜 蔥同粟米，小辣。湯底味道可圈可點，唔算特別。但炸豬扒就十分有驚喜，豬扒會另上，因為怕湯底會整淋 影響味道同口感。豬扒炸到金黃香脆，肉身唔厚，但正正係咁肉質先夠嫩。女友就點左蠔皇冬菇做配料，勝在想清淡少少。冬菇只得4舊，有點兒吝嗇。相比起炸豬扒，CP值十分之低。整體黎講，價錢尚算公道，平日下午茶時間仲可以平4蚊。食慣其他米線既你都不妨試下呢間既香炸豬扒米線都係一個唔錯既選擇。