漁場台風

营业中

休息中

旺角渔场台风又系另一间人龙日式拉面店，人多嘅时候，条队要屈到入后巷，一边排楼上一边滴水，感觉唔太好受。终于等到有位，一入去坐低，见到成间舖都系日本动漫嘅嘢，有一刻幻想自己返咗众人乡下😆。叫碗最 basic 嘅鱼介豚骨拉面，呢度有得拣面同酱汁嘅份量，但系就冇得拣面嘅硬度，不过幸好面质偏硬，系我钟意嘅口感。同最近帮衬过嘅几间拉面店比较，呢度嘅汤底虽然都算浓，但鱼介味唔太够。配料方面，叉烧有两片，肥瘦算适中；溏心蛋真系流心，好好食🤤；笋有少少黑椒味，唔错；其他配料仲有紫菜，葱同菜，特别之处系可以随意配搭，呢个服务够贴心👍。其实我仲追加咗份特制腩肉叉烧，30 蚊有三大片， 有用火炙过，入口几香，由于冇乜调味，较为淡口，但系就可以嗒真腩肉嘅肉味。