馬來屋星馬泰美食 (已結業)

朋友新居入伙，所以就同老公去左新蒲崗探吓佢，之後我哋就去左呢度附近搵食。行到有個廣場，見到有間叫馬來屋，所以就上去睇吓。呢間餐廳在一樓， 門口招牌都已寫住星馬泰美食，正合我心意。門面唔大，但內裡都幾多位。環境乾淨整齊，座位寬闊，坐得舒服。打開餐牌，見到好多嘢都勁想食。呢度係用QR code落單，我樣樣都點左D。泰式小食併盤︰份量唔少，有4款，每款有3件。小食剛炸起，仲係熱辣辣。蝦餅又大塊又香口，點埋旁邊甜辣醬，好好食；炸魚餅彈牙夠味道；炸春卷裡面有紅蘿蔔絲同埋椰菜絲，外皮脆卜卜，內裡爽口；泰式鳳爪無骨，少少辣，仲有菜同車厘茄，感覺好清新。泰式椰子雞湯︰係冬蔭公湯味道呀，裡面有雞，蘑菇同香茅等配料，用椰汁做湯底，飲落勁有椰子味道，帶微辣，估唔到咁好飲。泰式炒通菜︰炒得青綠，食落爽口，唔太鹹，味道剛好。泰式海南雞︰基本上可以話係無咩骨，半隻雞份量都幾多，啖啖肉，好滑，又唔會油淋淋，夠雞味。青咖哩牛腩︰牛腩煮得夠晒淋，青咖哩甜甜地帶椰香，用黎撈飯就最好。喇沙海鮮湯河︰份量正常，喇沙湯底味濃，有椰子味帶有少辣，裡面有蝦、青口、魷魚、半隻熟蛋、豆卜同埋魚片頭，全部餸吸晒湯汁連河粉食，好惹味。飲品