影片
更多
2012-12-30
156 浏览
突然決定去又一城食飯 , o係亳無心理準之下 , 都幾難諗食乜 ,最衰都係順豐速運 , 唔知放左我份淘寶o係邊 , 等左我兩個幾鐘破壞左我地o既原定計劃 , 臨時搵個就腳o既地方搵食 , 就係又一城喇唔想食太貴 , openrice 搵下 , 水牌參詳下 , 最後揀左食板前 , 勝在可以逐件叫 , 而且多特價壽司 , 平貴由自己控制 ~~ 1. 火炙三文魚腩 ~ 果然係魚腩 , 仲痴住少少皮 , 好香三文魚油味 2.火炙魚背~ 燒到飯都有焦香 , 好好食 !! 魚背有時會有煙韌透明部份 ,今次呢碟無 , 好香好軟綿 , 近乎入口即溶 , 正 !! 3. 鮟鱇魚肝~ 魚肝當然無鵝肝鴨肝咁濃郁 , 但都幾香幾滑溜 , 少少腥味在所難免4 . 特大車海老~ $ 8 件必食 , 真係大大隻又爽又鮮甜 5. 火炙鯖魚~ 第一次試 , 不過不失 , 面頭有少少薑茸有助辟腥 6 . 三文魚醬油漬~ 勝在夠平 , 次次都會點 , 好彩o既話有魚皮位 , 煙韌及較濃味7 . 煙三文魚~ 今次比左件邊邊位 , 好厚身同偏乾 , 煙燻味足 , 還不錯8 . 油甘魚 ( 黑松露醬 , 柚子 )~ 板前板長
最衰都係順豐速運 , 唔知放左我份淘寶o係邊 , 等左我兩個幾鐘
破壞左我地o既原定計劃 , 臨時搵個就腳o既地方搵食 , 就係又一城喇
唔想食太貴 , openrice 搵下 , 水牌參詳下 , 最後揀左食板前 ,
勝在可以逐件叫 , 而且多特價壽司 , 平貴由自己控制 ~~
1. 火炙三文魚腩 ~ 果然係魚腩 , 仲痴住少少皮 , 好香三文魚油味
2.火炙魚背~ 燒到飯都有焦香 , 好好食 !! 魚背有時會有煙韌透明部份 ,
今次呢碟無 , 好香好軟綿 , 近乎入口即溶 , 正 !!
3. 鮟鱇魚肝~ 魚肝當然無鵝肝鴨肝咁濃郁 , 但都幾香幾滑溜 , 少少腥味在所難免
4 . 特大車海老~ $ 8 件必食 , 真係大大隻又爽又鮮甜
5. 火炙鯖魚
~ 第一次試 , 不過不失 , 面頭有少少薑茸有助辟腥
6 . 三文魚醬油漬~ 勝在夠平 , 次次都會點 , 好彩o既話有魚皮位 , 煙韌及較濃味
7 . 煙三文魚~ 今次比左件邊邊位 , 好厚身同偏乾 , 煙燻味足 , 還不錯
8 . 油甘魚 ( 黑松露醬 , 柚子 )~ 板前板長 d 油甘魚都幾有水準 , 呢兩隻味都係必食 ,
柚子清新香甜 , 黑松露醬o既香跟本身淡而帶腥o既油甘魚好配襯
9 . 黑醋豚肉~ 其實只係薄切o既豬肉 , 加上黑醋汁 , 酸酸地咁 , 一試無妨
10 . 辣味三文魚手卷~ 見 $ 9 幾抵食 , 三文魚碎好乾身 , 毫無辣味 , 要記住唔好再叫
11. 甘蝦牛乳白湯~ 要有 d 熱野暖下胃所以叫 , 蝦味唔夠之前飲過咁濃 ,
上枱時碗湯好似一淡死水入面咩都無 , 我問店員係咪真係咁o家...
佢答我應該有 d 紫菜 ... xd 於是佢就拎入去係咁易放返兩塊紫菜入去
不過之前o係沙田另一分店飲過 , 係應該有 d 口感好似年糕o既牛乳粒
## 呢一餐叫左咁多樣野都係 $ 2xx , 係另一個層次o既滿足 ^^ 张贴
