影片
更多
2018-08-11
1131 浏览
今日肥妹仔放工途經彌敦道，見到個廣告牌上面有一間食中越泰菜嘅餐廳，肥妹仔見到個廣告都幾吸引，就同班朋友上去試下食啦！一入到去佢係成層都係嗰一間餐廳，面積唔算好大，有室內同室外嘅用餐地方，可惜天氣實在太熱，肥妹仔都係決定留返喺室內！！越式拼盤 $188個拼盤好大份，入邊有札肉，炸越南春捲，豬肉蝦片，蒸粉包！ 個扎肉係我哋一般喺越南餐廳會食到嘅嗰隻味，幾好食！！ 而個炸越南春捲就好大件， 外皮炸到脆卜卜，一邊就有蘿蔔絲粉絲木耳絲肉碎等， 個味調得唔錯，一啲都唔咸，點埋個醬好食！ 至於塊豬肉蝦片，塊豬肉有少少鹹得滯，如果冇咁咸就perfect喇~ 個蒸粉包又係爆料咁濟 ，入邊有木耳肉碎蘿蔔絲， 個粉皮整得好滑！椰子烏雞排骨燉湯 $72個湯超清甜椰子味好重，雞同排骨煲出嚟嘅湯都好有肉既鮮味，飲得出係老火靚湯，一啲都冇落味精，好好飲！花旗參烏雞排骨燉湯 $72呢個湯好濃花旗參味，肥妹仔飲完之後會有少少回甘，同椰子雞湯 嗰一種甜係有少少分別，不過呢個花其參湯都好好飲好滋潤！！串燒沙嗲豬牛雞各兩串 $122角串燒沙嗲豬肉同雞肉燒到外表微脆 而個肉質亦都keep到好滑嫩好juicy， 點埋佢嘅沙爹醬就
一入到去佢係成層都係嗰一間餐廳，面積唔算好大，有室內同室外嘅用餐地方，可惜天氣實在太熱，肥妹仔都係決定留返喺室內！！
越式拼盤 $188
個拼盤好大份，入邊有札肉，炸越南春捲，豬肉蝦片，蒸粉包！ 個扎肉係我哋一般喺越南餐廳會食到嘅嗰隻味，幾好食！！ 而個炸越南春捲就好大件， 外皮炸到脆卜卜，一邊就有蘿蔔絲粉絲木耳絲肉碎等， 個味調得唔錯，一啲都唔咸，點埋個醬好食！ 至於塊豬肉蝦片，塊豬肉有少少鹹得滯，如果冇咁咸就perfect喇~ 個蒸粉包又係爆料咁濟 ，入邊有木耳肉碎蘿蔔絲， 個粉皮整得好滑！
椰子烏雞排骨燉湯 $72
個湯超清甜椰子味好重，雞同排骨煲出嚟嘅湯都好有肉既鮮味，飲得出係老火靚湯，一啲都冇落味精，好好飲！
花旗參烏雞排骨燉湯 $72
呢個湯好濃花旗參味，肥妹仔飲完之後會有少少回甘，同椰子雞湯 嗰一種甜係有少少分別，不過呢個花其參湯都好好飲好滋潤！！
串燒沙嗲豬牛雞各兩串 $122
角串燒沙嗲豬肉同雞肉燒到外表微脆 而個肉質亦都keep到好滑嫩好juicy， 點埋佢嘅沙爹醬就好惹味！！！ 雞肉串燒同豬肉串燒本身嘅醃料唔算太多，主要係靠個沙爹醬去提味， 但係個串燒牛肉就本身都已經醃咗，味道比較重，唔使點沙爹醬都已經好好食。
半隻海南雞 $160
其實肥妹仔覺得一隻海南雞好唔好食係在於佢既雞皮夠唔夠爽，雞肉夠唔夠滑， 呢隻海南雞都幾滑嘅, 不過可惜上枱嘅時候太凍,有少少似喺雪櫃拎出嚟嘅感覺 ，如果溫度微暖返少少應該仲加好食。
香茅泰式明爐烏頭 $198
佢個烏頭係預先整熟咗同佢個汁係分開上嘅，先講個汁，個汁係酸甜辣都有，不過酸味就比較重 ，好啱肥妹仔呢啲咁鍾意食酸嘢嘅人！佢嘅烏頭肉質非常滑嫩,一啲都唔鞋，吸咗嗰隻酸辣汁非常好食！肥妹仔我差唔多清咗半條！！
欖菜肉鬆四季豆 $96
都係嗰句，如果有得揀，肥妹仔而家出街都會揀啲菜食，佢個四季豆同啲欖菜一齊炒，仲有肉碎添！！個四季豆煮得好脆，個味啱啱好，水準都好高㗎~
黑松露野菌炆伊麵 $98
個黑松露醬好多，令到個伊麵好香黑松露味，而個伊麵本身亦都有好多茹，個伊麵炒得好乾身，一啲都唔油膩，肥妹仔我又係差唔多食咗半碟！
越南蒸餾咖啡兩杯 $90
杯越南蒸餾咖啡要等少少時間俾佢滴d咖啡出黎，下層有一層煉奶，要撈埋一齊飲，飲落唔會好甜，超濃咖啡味，鐘意咖啡既人一定好like!!
Yogurt combo $50
好似加咗青檸既益力多，好解膩，好好飲
张贴
