Fleur (翩滙坊) (已結業)

早前係南豐紗廠風魔一時既fleur終於係將軍澳都開左分店啦！ 呢間餐廳主打食用花，又睇得，又食得！幾靚嫁！入到黎，樓底好高，座位之間都幾闊落，空間感唔錯！Fish lover$138今次食左味噌加拿大三文魚，條三文魚好大條！又好厚！不過煮出黎都係好滑！冇因為佢既厚令到overcooked，食得出廚師既功力！同埋佢同味噌又幾夾喎！本身仲驚會有啲怪，但甜甜地既味噌夾埋嫩嫩既三文魚肉，都幾好食！仲有煎意大利飯同其他配菜，煎既意大利飯都幾特別，外面脆脆地既，但入面既質感就有啲碎同散，個人黎講麻麻地！但其他配菜係好食既！燒得好香！最緊要係要食埋啲食用花呀！貴食材黎嫁！